المساعد الشخصي الرقمي

مشاهدة النسخة كاملة : شيداوي جرحي



الاديب العراقي
10-16-2008, 01:06 PM
ليش الوحدك من غير جناز وياهو لغسلك ويغمض لعيون
غريب بنص محطة او واكف اشلاء وهلك عنك بعيد شلون يدرون
ليموت بنص هلة تتهدل اهدال وعليه امه وخواته تطيح لمتون
وشوفك وحدك وانتة الكبل جان الجبل والساتر بسدك يلوذووون


ملك موتك استعجل لو تواميت درد الديرتك جا هسه مدفون
دليني بجوازك رايد اقراه وشوف شصارلك بالغربة مسجون
من وحشة الغربة الوحشة الموت وشربت الوحشتين بفرد ماعون
عليك امك تعاين بلكت تعود وضعنك ما رجع من دون الاضعون


عدمن ودعتهة او جيت ليجاي وعليك تناشد اليرحون ويجون
تريد عون الهة بتالي الشيب وهسه انتة ضعت وتريدلك عون
وحدك تنعي روحك جنك تكول هلي من ضيعوني شلون تبجون
المثلك ما يموت وناسه تنساه العراق انتة العزيزاو تنزف اشلون


يالحنة اجرورحك حنة الفاو يالمدمم قميصك حقل مجنون
يابن الهور دمك لسة موجود ولهسه بنهر جاسم بيك يحجون
المثلك ما يضل من غير جناز النخل يطلع وراك وي اليشيعون
المن جابتك للغرب رجليك ومتت لاناعية لاناس يبجون


تكلي الجوع اكلك انتة غلطان العراق بخير بعدة ولسة مامون
صحيح الجوع كافر من يمر بيك وانا مجربة واعرفة شلون ملعون
حافي وساوموني وكلت ما بيع وشلت غيرة هلي العشرين مليون
اسكت لا تهزك رعشة الموت الشدايد بالصبر تعدي وتهون

العراق شما تمر بيه الملمات جلد علنايبة وبالصبر مدهون
اذا ذيب الوكت ما نكلب شات ونتانيهة شوكت تكطعنا لسنون
غدر طبع الذيابة وهذا معروف ومثل هاي النهاية المرة يردون
انا يا صاحبي راجع للعراق اسولف قصتك لليئشرون


واكلهم نهر ذلة ورا طريبيل وانا خايف عليكم لا تغركون
الوطن هذا الوطن كل شبر محراب كعبة ودنكت يمهة اليصلون
عراق ومنهو غيرك يرهم وياي وانا مطلك الدنيا وعايف الكون

احبك يا عراق
10-17-2008, 03:03 AM
السلام عليكم
الله ايخليك انه على الموضوع المميز

جودي
11-05-2008, 09:00 PM
الله الله
ابداع وتمييز وذوق
عاشت الايادي
تحياتي
مر من هنا
،،،،،،،،،،،،،،،،
جــ ابن العراق ـــودي

خادم الزهراء
11-25-2008, 04:55 PM
مشكور على هذه الكلمات الرائعة
تقبل مروري

علي الدجيلي
12-08-2008, 09:29 AM
عيدك مبارك وكل عام وانت بالف الف خير
تحياتي لك الاديب العراقي
بغداد يا زهو الربيع على الربا