تعزي مؤسسة الشهداء عضو مجلس رعاية ذوي الشهداء السيدة إنتصار محمد عاشور بوفاة والدها تغمده الله بوافر رحمته وأسكنه فسيح جناته وألهم أهله وذويه الصبر والسلوان. ((إنا لله وإنا إليه راجعون))
النتائج 1 إلى 2 من 2

الموضوع: قصائد لايام شهر محرم

  1. #1
    •{{ عضــــو مـــاسي}}•


    تاريخ التسجيل
    Jul 2009
    الدولة
    بغداد
    المشاركات
    1,695

    قصائد لايام شهر محرم

    القصيدة الاولى وهي لخدام ومحبين الامام الحسين عليه السلام وهم يرجون شفاعته

    انته نجاتي عنده مماتي
    يا شفيعي يا حسين يا شفيعي يا حسين
    .................................................. .
    سيدي انته أملنـــــه وحنة بس حبك جنينه
    وحنة ما نملك نسافر والدرب يصعب علينه
    حاء باًء كاف تجري ورتجي منك تجينه
    بين الاهاتي انته نجاتي
    يا شفيعي يا حسين يا شفيعي يا حسين
    .................................................. ..
    وانه لو حالي توازة امشي وكصد يم حضرتك
    وشرح أهموم العلية وتكضي همي انه ردتك
    ولو ترد أيدي خلية مومهم عندي انه زرتك
    تعلو صرخاتي انته نجاتي
    يا شفيعي يا حسين يا شفيعي يا حسين
    .................................................. .......
    ما أصدك انه شيعي يدخل النار وتنضرة
    انته تشفعله برحمتك وأمك الزهرة تحضرة
    هاي من ربك كرامة لجدك واله والعتـــرة
    يبنه الخيراتي انته نجاتي
    يا شفيعي يا حسين يا شفيعي يا حسين
    .................................................. .............
    مــا صدك انه عنك مذنب اتعوفة بحسرتة
    تشوفة كاصد معتنيك يشكي ونزلت دمعتة
    عارف بقدرك تعنة وما تخيبلة طلبتـــة
    عندة الحاجاتي انته نجاتي
    يا شفيعي يا حسين يا شفيعي يا حسين
    .................................................. ...
    سيد وانه أحلفــــك بالقمر ذاك المنير
    لا تخليني بحسرتي مقيد بذنبي العسير
    مذنب وما عندي غيرك بالحشر لمن أحير
    يوم الكرباتي انته نجاتي
    يا شفيعي يا حسين يا شفيعي يا حسين
    .................................................. ..................
    القصيدة الثانية وهي حالة حظور الزهراء عليها السلام في واقعة الطف وتنظر ما جرا فيها
    على ابنائها

    تنع الوديعه هذا المسه
    هاي الفجيعه بين العـده
    وتبجي بكلب ملجوم وتبجي بكلب ملجوم
    ....................................
    تعنت كربله بهمهه وتنظر حالة الأكباد
    يا بوية تنادي بصوت ياريت الزمن ينعـاد
    تشوف شلون حالتهم وتشوف بعينك الأوغاد
    من هل مصايب كلبي نفجــع
    يـــا بويه والـله وكسر الضلع
    ومن حالة المسموم وتبجي بكلب ملجوم
    ..................................................
    تشوف حسين بلميدان واصحابة وهله يمه
    صريع موسد الغبــرة وعليه الكوم ملتمه
    ـاروح النبي المختار تعز اعليه يــــا يمه
    أبچي المصابك طول الدهر
    وما همني يبني ضلعي نكسر
    بس حالك المهموم وتبجي بكلب ملجوم
    ..................................................
    وتعنت مصرع العباس كصده أبموته أتحضره
    وتنحبلة بدمع جاري وتشاهد حالة وتنضره
    وتريد جفوفه تأخذهن وتطالب بيهن ألزهره
    صبت دمعه من شافته
    وحاله فجعه ومصيبته
    وتنادي يا مظلوم وتبجي بكلب ملجوم
    .................................................
    شبيه الوالد اتشاهــد علي الاكبر على الغبرة
    جسمه مطبرة العدوان ياويلي وتذب حسرة
    وتشاهد جاسم امخضب وخضابة بدمه نحرة
    شنهي الجنيته يبن الحسن
    اه يبني لكبر وظلت تون
    لمصابك المالوم وتبجي بكلب ملجوم
    ..........................................
    تعنت خيمة النسوان تشوف شلون حالتهن
    كل وحده تون وتنوح ولا والي البقه عدهـــن
    تون الزهره للحالـــه ومفجوعه اعله فجعتهن
    جن اليتامـــه تشكي الي
    عگب الشهامه ماگو ولي
    يجده هذا اليوم وتبجي بگلب ملجوم
    .................................................. ...
    القصيدة الثالثة وهي في غربة فاطمة العليله عليها السلام

    بنت حسين تهل العين عليلة ومن يحاميني
    .................................................. ........
    أجرع بالمرض كوه عود بصبري الفنه
    لو غرب ظعنكم بيش كلبي اليوم أهودنه
    عليله وحالتي حاله ومنكم اكطع ألظنه
    شيظل بلحال لون ينشال ظعنك يا ظوه عيني
    .................................................. ............
    علي يصعب يبوي اليوم وفكدك والله ياذيني
    طفله ومن زغر سني فرح ما شافت اسنيني
    من ظيم المرض ونوب فكدك يا ضوه عيني
    هد الحيل وسار بليل ولا منهم يحاجيني
    .................................................. ..........
    طفل خليلي من عدكم أناغيه ويناغيني
    ولو جلجل علي الليل من ألوحشه يسليني
    يذكرني بهلي كلهم وحس بهلي حاميني
    يهلي شلون من ترحون عكبكم من يواسيني
    .................................................. .............
    بعدك جاشلي بعمري وبعدكم جاشلي بروحي
    أظل بحزاني مجتوفه ومجتوفه بألم نوحي
    وعاين على الدرب ياريت طارش يشفي جروحي
    ولا مرسال يريح البال ويخبرني على حسيني
    .................................................. ...............
    أظل بدار ما كدر خلي الدار من أهلي
    اليفكدله اخو واحد عليه كل القهر يسدي
    وانه فاكدة أهلي طفله وجاشني صبري
    اون بدار ليل انهار ويريت الموت لافيني
    .................................................. ..................
    القصيدة الرابعة وهي في شجاعة انصار الحسين عليه السلام

    اسمع تنادي هاي المسيه أنصارك احنه يبن الزچيه
    ترخص دمانة يا سيدي يا سيدي
    .................................................. .....................
    زينب تنادي هل مسه يابن علي داحي الباب
    أنصارك اتطب للحرب لـــو تبقه وي الاجناب
    كلهه مثلهم ما شفت أوف وابر من لصحاب
    يوم ألي شافوا صارت عليه *** هاي النواصب گوم آل أميه
    الكم ولأنة يا سيدي يا سيدي
    .................................................. ....................
    شيخ الأنصار بهمته متعني خيمة لنصــــــار
    اسمع حديث آل النبي اسمع حچي كلهم صار
    باچر لو حلت ساعته تبـــرز هاشم للـــــكفار
    جيت أنقلكم هاي الرزية *** هاشم ضحايه بالغاظريه
    وتظلم سمانه يا سيدي يا سيدي
    .................................................. ....................
    نادوا عليه بكل عزم ونتفضــــو بـــكل إيمان
    ما تطب هاشم لحرب ألا وحنة أعله التربــان
    احنه نطب للمعركــة وما توصل الهم فرسان
    وصل خبرنه للفاطمية *** من عدنه لازم أول ضحية
    هذا رجانه يا سيدي يا سيدي
    .................................................. ...................
    ليوث الأنصار تسابقوا وتعنوا ساحات ألگـوم
    هل ارض باچر تنملي من عدنه وتفيض ادموم
    نحمي عيالات النبــــي ومـا نتنازل عنهم دوم
    عابس ينادي وين ألمنيه *** أتعنه ليه زحف أبديه
    رفرف لوانه يا سيدي يا سيدي
    .................................................. .................
    كومي يزينب شاهدي أهل ألوفه بكل إصـــرار
    عاهدوا أمي فاطمـة وجدي النبي المختـــار
    لا لا تهمچ هل عـــده يا بت علي حامي الجار
    هليله واجب فوك الوطيه *** تنزف دمانه للهاشمية
    تسمع عدانه يا سيدي يا سيدي
    .................................................. ...............
    ونفس العهد يــا سيدي أنصارك أتنادي اليوم
    تفجير ورهاب وذبـــح ما تمنعنه يا مظلــوم
    ومثل الحمام بهل المسه زوارك اليوم تحـــوم
    جينه نواسي سيد ألبريه *** يوم ألي طبت زينب سبيه
    الكم عزانه يا سيدي يا سيدي
    .................................................. ............................................
    القصيدة الخامسة وهي في حق مسلم ابن عقيل عليه السلام وين حسين اليوم اشوفة مسلم حاير برض الكوفة
    ظل الوحدة نكروا عهدة
    .......................................
    متعني مسلم للكوفــــة يأخذ بيعة بأمر حسين
    من الناس البعثت ليهم أنريد نحافظ على الدين
    ما نسمح ليزيد وگومه يحكم بينه يظل سنيــن
    ونبايع كلنه الوالينــــه بدم الروح وما همينه
    أهل الردة نكروا عهدة
    ............................................
    ساعة ولن الناس التمت أتعاهد مسلم عل بيعة
    ألاف نجمعت مئلوفــه أمر حسين اليوم انطيعة
    وتعنت لمسجد تهتف أمرك واجب احنه انشيعة
    وبلحظات تغيرت كله وظل مسلم وحدة بمسجده
    عد العدة نكروا عهدة
    ..............................................
    وبهل حاله مسلم وحدة وبرأسه أدور الأفكــــار
    لمن نگلت بيه چدامـــة وكفـــة بيه باب الـــدار
    ولن طوعه طلعت من عده ومسلم ظل واگف محتار
    ناده أميــــــه دنطينـــــي ويوم المحشر وفي بديني
    يروي چبدة نكروا عهدة
    ............................................
    نادت منهو انته وتوفيني يوم التشخص بي لبصار
    مسلم انه ناده الطوعـه وعمي حيدر حامي الجار
    انه اشفعلچ يوم المحشر وبأمر البـــاري الجبـــــار
    نادت طوعه لو ذبحوني بالبيت ادخل بعد عيوني
    بروحي اتفدة نكروا عهدة
    .................................................
    بس ليله مسلم ظل عدهه راكع ساجد يحمد ربــــه
    ألاف انجمعت غدارة تنادي نريده اليوم نخضبه
    چليث الغاضب بالكوفه وذكرهم بحيدر ضربــــه
    وبس طوعه تنختله بعمه وتشجعه وشدت من عزمه
    وبهل شدة نكروا عهدة
    .................................................. .........
    القصيدة السادسة وهي في شجاعة القاسم ابن الحسن عليه السلام

    فگدك يجاسم اثر علية يصعب مصابك بالغاضرية
    عمك ينادي اليوم اه يبني يا مظلوم
    بالغاضرية بالغاضرية
    .................................................. ..
    تعنـــة جاسم لعمة يريد الرخصة يطلبه
    يعمي مو نفذ صبري يعمي الروح سائمه
    ما صبر اشوف الناس ملتمه وغدر عدهه
    يعمي ناده هذانه يومي عند النوايب ثابت علومي
    ابن الحسن معلوم عمك ينادي اليوم
    بالغاضرية بالغاضرية
    .................................................. .....
    من شافة مصر حسين جاسم على حرب ناوي
    يجاسم گلة يــاروحي يمن شكل الحسن حاوي
    تعز اعلي هــل حالة منشوفك عل ترب هاوي
    تصعب علية هاي المنية بروحك تعالج فوك الوطية
    يبن الاخو المسموم عمك ينادي اليوم
    بالغاضرية بالغاضرية
    .................................................. ......
    نزل سوح الحرب جاسم وغدة بسيفه يذكرهـم
    شبه جده علي الــكرار مــن يضرب يبترهم
    يشطر بــلزلم جسـام وبــرمحة يصوبهـم
    جاسم نزله سوح الحرايب جل حسن عودة عند النوايب
    من هل وضع مهموم عمك ينادي اليوم
    بالغاضرية بالغاضرية
    .................................................. ......
    غده بروس العده يحصد لجن سيف الغدر صابة
    يا ويلي وهوه اعى الگاع وصاح بصوت يا يابـة
    يعمي حسين دلــحگني صاح بـعبرة سجابـة
    اتعنة جاسم وبحضنه شالة دوهنت حالي يبني هل حالة
    ولمصابة ظل مالوم عمك ينادي اليوم
    بالغاضرية بالغاضرية
    .................................................. .......
    حصل رخصة البطل جاسم ورجع فرحان من عمة
    يودع الوالدة بــلهفـة وداع الولد وي امـة
    تحب بـراسة ويحــبه وغدت أبنحره اتشمة
    يوليدي رايح مائلك رجع لحزن زماني لجلك وانعة
    ويبقى الگلب ملجوم عمك ينادي اليوم
    بالغاضرية بالغاضرية
    .................................................. ........
    القصيدة السابعة في حق الامام العباس عليه السلام
    يل نأوي اليوم تروح خويه يا خويه
    وياك أخذه الـــــروح خويه يا خويه
    بعدك يطيح الواي يا هبتي من اعداي
    .................................................. .......
    ياعباس الوحدك عندي وبس انته الحارس بخيامي
    لوترحل عنه وماترجع منهو خلافك خويه الحامي
    لا ترحل يانور عيوني معقودة بشخصك أحلامي
    ياخوة ألمثلك توصله عفت الماي وانته الظامي
    توليني هاي الكوم خويه يا خويه
    لورحت مني اليوم خويه يا خويه
    مثلك فلا وفاي يا هبتي من اعداي
    .................................................. .......
    عباس أبو الغيرة اعتنه يطلب رخصه من حسين
    ياخويه اخصني لحومه ودم المدمع سال العيـن
    ما اصبر وطفالك نادت ياعمي وعدك جاويـن
    والعصب بالي يظل يمك تبقى الوحدك خويه حسين
    يصعب علي فركاك خويه يا خويه
    أبقه ردت ويـــــاك خويه يا خويه
    فدوة ألك يمناي يا هبتي من اعداي
    .................................................. .......
    متعني عباس العــــــده وحسين وكاف بالخيم
    يسبط أطفاله من العطش ويعاين الراعي العلم
    يــــا خويه رد بغيرتك وبجفالتك هاي الحرم
    نادت عليك من الظمه ترويهه يارعي الشيم
    وجن اسمع أتحاجيك خويه يا خويه
    من ظماهة تنادي أعليك خويه يا خويه
    يا عمي جيب الماي يا هبتي من اعداي
    .................................................. ..........
    متعني عباس الحومة والراية ترف بيمناه
    وحسين أيعاين لقائد وعلى الكوم يرف الوه
    ياعباس ويدعي بصوته ريتك خويه ترد وياه
    والماي تجيبه بكل زودك وتروي أطفالك من ضماه
    عن عيني غبت بساع خويه يا خويه
    وجنك طحت لكاع خويه يا خويه
    وبجودك رد عناي يا هبتي من اعداي
    .................................................. ..........
    وحسين سائت حالته من نظر حال العباس
    على النهر طاحت رايته وملتمه اعليه الناس
    وشاف الجفوف تكطعت وشاف العمد وسط الراس
    والجود مصيوب بسهم والدرع طايح وطاس
    وناده عليه بصوت خويه يا خويه
    جنه لفاك الموت خويه يا خويه
    نورك طفة وسلواي يا هبتي من اعداي
    .................................................. .........................
    القصيدة الثامنة في حق علي الاكبر ابن الامام الحسين عليهم السلام علي الاكبر والحرب طب ليه مثل حيدر جدة من يوليــه
    .................................................. .......................
    مثل حيدر جده فرقه الصفوف گام يفتر بلعده وبيهم يطوف
    بدر عدنان وعلن عندة خسوف يعني ظلمه وتاهت بحاميــــه
    .................................................. ....................
    يعني ظلمه ودعست لمن وصل ابن هاشم بل معارك ما يمل
    اليوم لعنت عاد اعليكـــم تحــل وانه بن حيدر علي واليـــه
    .................................................. ......................
    انه لكبر بن حسين وبن علي انه حامي عن عيلاتي وهلي
    انه اتنمه لون مـــا انثنــــــي جـــــا طبكت الاول بتالــــيه
    .................................................. .......................
    خله لول يشرد وماله طريج والحرب نيران مشتعله حريج
    وخل حسرة هوء تشتمه شهيج وخله ملك الموت حاير بيـه
    .................................................. .......................
    حار يحسب بل عدد مدري شيگول مثل جدة حيدرة لمن يصول
    يصيح بيهم لا وحق فحل الفحول وخوف جيوش العدة بطاريه
    .................................................. ........................
    وخافت جيوش العده من صولته ابن هاشم ونعم من عرفته
    گـــوم اميه بخيله ما هـــــزتــــه ابن الحسين الحرب واعيه
    .................................................. ......................
    علي الاكبر والحرب طب ليه مثل حيدر جدة من يوليــه
    .................................................. .......................
    القصيدة التاسعة في حق عبدالله الرضيع عليه السلام

    عل المذبوح يحله النوح وبجي بدمعة سجابة
    .................................................. .........
    سجابه وتصب عيني لوليدي ونبض روحي
    عليك اگليبي متمرمر ويا بلسم دوة جروحي
    أظل انحب عليك سنين ولا بطــل بعــد نوحي
    يصب دمعي يظل دهري وگلبي ما نسه مصابة
    .................................................. .....
    اجت ليله بطفله اتلوج متعنيه لبــوه حسيــن
    تگلــه شوف عبد الله بلجن تاخذة بهل حين
    من حر العطش ذايب جبده ومنجسم نصين
    تون بهداي شربت ماي عبد الله الضمة صابة
    .................................................. ......
    خذاه حسين من عده ولـحومه تعنه أيريـــد
    شربت ماي يطلبــــه من گوم العين أيزيـــد
    انجان انه ذنب عدكم مـاعنده ذنب لوليـــــد
    طفل عطشان يهل عدوان وجمرة حزن لهابــة
    .................................................. .......
    صارت ضجة بين الگوم منهو أيقدر الحالــة
    منهم صاح قدموا الماي وحسين الدمع سالة
    ولن صوت النذل ناده منهو ايصير جتالــة
    ضجه اليوم بين الگوم طفل بمهده ما هابـة
    .................................................. ....
    نذل ما كسرته الحاله رماه بسهمه المگـدر
    صابه بنحره المقدس وحسين الابو تگــدر
    يعاين طفلة بين ايده وروحه من تـــتفرفر
    نظر لحسين بطرف العين وصاح بصوت يا يابة
    .................................................. ............
    القصيدة العاشرة وهي لسان حال الحوراء زينب عليها السلام

    مائلي مهجه وروح آه يحسين يبن آمي
    تنظر ألك مـــذبوح آه يحسين يبن آمي
    .................................................. ...
    أبقه محيرة يحسيــن يا خويه يحامينـــه
    يخوية وتدري عدوانك ما ترحم يوالينــــه
    من عكبك تشوف الصار خيل الگوم اجت لينه
    من حكي لو ونيت اه يحسين يبن امي
    دمع الوفه هليت اه يحسين يبن امي
    .................................................. ...
    يريت اعيوني معميه ولا شوفك على الغبره
    مهو حالك كسر گلبي يصيح ومحد ايحضره
    تمنيت الابو حاضر وتحضر ريته الزهره
    من امي اتوصيت اه يحسين يبن امي
    وحگ الوصية انطيت اه يحسين يبن امي
    .................................................. .......
    يخويه هجمت العدوان علينه ولا بقه حامي
    بسانه وعلي السجاد خويه احرس خيامي
    ساعة حتار بالاطفال وساعة حتار بالامي
    صعبه عليه اليوم اه يحسين يبن امي
    اتوسط انه الكوم اه يحسين يبن امي
    .................................................. ......
    حرت ما بين المخيم وطفال المشت بالابر
    فرت خايفه من الكوم وما بين الجثث تعثر
    تتصور وليه هنـــاك عنها يكوم يتســـــتر
    من ظلم هل عدوان اه يحسين يبن امي
    فرت بلا ذهان اه يحسين يبن امي
    .................................................. ....
    يفرسان الحرب نامو أختكم انا عد ضنكم
    اطفال ونسه يحسين تدري البقت بخيمكم
    يخويه تكفلت بيــــه وامرهم لا ولا يهمكم
    كله عطاشه تلوب اه يحسين يبن امي
    انه الجفيله النوب اه يحسين يبن امي
    .................................................. .............
    القصيدة الحادية عشر وهي في حق السجاد عليه السلام
    عل سجاد الحزن ينعاد وبجي بعبرة سجابه
    .................................................. .....
    عل مصابة تهل عيني عله العمره كضاه بون
    من مرضى الحزن عاشور عليه الحزن يتمحن
    عابد شاكـــر الربــــــه بدعاء وصبره يتمعن
    العمر صابر بكلب ناضر عبد الله السهم صابه
    .................................................. ......
    من صبره جبل صاير ومن صبره صبر ايوب
    ومن حزنه حزن اسس ومن عندة حزن يعكوب
    تكلي شلون ما يحزن اليشوف حسين ظل مصلوب
    حزن ناري ودمع جاري ويصيح بصوت يا يابه
    .................................................. ...........
    عليمن يبجي متحيــــر عل اعضيدة علي الأكبر
    لو يبجي الفكد عمــــه الجسمه أعله الثرة تكنطر
    لو يبجي الفكد جاسم التحنـــة بدمـــه وتعفـــر
    عل الأنوار الدليل أحتار وجمرة حــزنه لهابه
    .................................................. .........
    ومن حاله لشد حالــــه والكيد اليسـر جابـــــوه
    ومن طوكه يصب ادموم وفوك الهزل من ركبوه
    وعمته زينب أيشاهـــد بضعنه الشمر من حدوه
    لبوه حسين يدير العين و شي صبرة عله أغيابه
    .................................................. .........
    ما عدهم رحـــم ذره امام وقدره ما عرفــوه
    يعمه عكب ابو الغيرة يا وسفه الشمر خلــوه
    يعين الله علي السجاد يشوف الخدر من سلبوه
    شيظل بلروح عله المذبوح ينوح ويذكر مصابه
    .................................................. .............
    القصيدة الثانية عشر وهي في بقاء الاجساد ثلاثة ايام على رمضاء كربلاء

    ثالث يوم ..يم الگوم كل أهلي على الغبرة
    ***************
    من خيم ظلام الليـل زينب حايره بهمهـه
    تلم أطفال والرضعان لو تگصد لبن امهـه
    أو ريتك يا علي الكرار حاضر هل مس يمهه
    شلون تهود..أو گوم أيهود ما عدهم رحم ذرة
    ***************
    محتـارة بقت زينب بـين الخدر أو مابين
    أطفال المشت بل بر لو تگصد لخوه حسين
    لو ترجع تطفي النار الشبت بلخيم هل حين
    والوليان.على تربان صرع الچثث متوذرة
    *****************
    ساعة لن شفت طفله طلعت للمعارة بليل
    مرعوبة غدة تمشي ما خذه الوجل والويل
    تدور عن أبوه حسين يا ويلي و تهد الحيل
    تصيح آمنين.أبوي حسين دلوني على گبرة
    *****************
    زينب طلعت بهمهـه تدور وين طفلتــه
    تصيح بصوت يا عمة أو مهظومه أعلى حالته
    لگته أعلى الجسد تنحب وتفت الگلب ونتــه
    تصيح الحين .عمي وين ترجع هل حرم بمرة
    *****************
    ولصوب الغري زينب صاحت يا علي الكرار
    بتك تدري بياحـال ما بــين العد و النار
    ششرحلك عن الوليان لو احچي علية الصار
    ترضى أحتار. يلكرار زينب صاحت بحسرة
    ****************
    القصيدة الثالثة عشر وهي في ليلة الوحشة

    يليلة وحشتي بقيت بغربتي
    بونيني وحدتي بلا والي
    انه المفجوعة أظل موجوعة
    ………………………………………
    زماني ما رحم كصة وياي الدهر
    شفت لوعت هلي شفته امن الزغر
    شفت أمي تون وبوي ألي نطبر
    وعاين سلوتي اخوي و مهجتي
    يلوج بحسرتي ودمع هامي
    انه المفجوعة أظل موجوعة
    .................................................. ..
    انه الي فاكده اخوتي بهل مسه
    يويلي تروعت عكبهم هل لنسه
    صحت وينك علي تجي يمنه عسه
    انادي بلوعتي وصد بعبرتي
    وصبن دمعتي انشده بالي
    انه المفجوعة اظل موجوعة
    …………………………………….
    يبويه وبالخيم تشب نار العده
    وحريمي تلوعت بفعل اهل الرده
    ويريتك حيدرة تشوف الي سده
    تطب الخيمتي وتسكن روعتي
    ومهد خالي تشاهد حالتي
    انه المفجوعة أظل موجوعة
    ………………………………………
    حرت وحدي أصبحت المن بالحرم
    كصدت المشرعة ردت راعي العلم
    اسولف عل جره وخبر بالهظم
    تنادي عيلتي بعدكم يخوتي
    تشوفو ذلتي وهظم حالي
    انه المفجوعة أظل موجوعة
    ………………………………………
    جثث فوك الأرض يولي مطبره
    أخوتي بكل كتر أشوف أعله الثره
    دمع عيني نزل وصدن حايره
    وعاين شمعتي جفيلي وهيبتي
    والأكبر ظنوتي انه كبالي
    انه المفجوعة أظل موجوعة
    ………………………………………
    يمن بيك الفخر يلوذ ويفتخر
    دريت أختك مشت يخويه باليسر
    وعكب عينك بعد حدة بظعني الشمر
    وشاهد طفلتي تون الونتي
    عليه مصيبتي وعلة الغالي

  2. #2
    ۩ مـشرف القسم الأدبي ۩
    تاريخ التسجيل
    Sep 2008
    المشاركات
    3,963

    افتراضي رد: قصائد لايام شهر محرم

    السلام على الحسين وعلى علي إبن الحسين وعلى أصحاب الحسين وعلى أولاد الحسين،،
    السلام على النحر المذبوح، السلام على القلب المجروح، السلام على الجسد المطروح،،
    السلام عليكم ورحمة الله وبركاته،،
    بورك قلمكم المبارك واجركم على فاطمة الزهراء ع
    وكم تمنيت ان تضعي هذه القصائد في المكان المخصص وهو القسم الادبي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 2 (0 من الأعضاء و 2 زائر)

المواضيع المتشابهه

  1. قصائد غريبة ... وعجيبة
    بواسطة أسعد الناصر في المنتدى الشعر الفصيح
    مشاركات: 5
    آخر مشاركة: 07-12-2010, 01:05 PM
  2. من قصائد السيد الحميري
    بواسطة مكتب شهداء تلعفر في المنتدى المنتـدى الإسلامـــي
    مشاركات: 3
    آخر مشاركة: 08-11-2009, 12:58 AM
  3. تسجيل ذوي الشهداء لاداء فريضة الحج
    بواسطة شهداء الديوانية في المنتدى مديرية شهداء الديوانية
    مشاركات: 0
    آخر مشاركة: 04-28-2009, 10:29 AM
  4. مديرية شهداء الكرخ تباشر بالتسجيل لاداء مناسك الحج
    بواسطة شهداء الكرخ في المنتدى مديرية شهداء الصدر والرصافة
    مشاركات: 0
    آخر مشاركة: 04-27-2009, 09:54 PM
  5. قصائد للشهيد والشهادة
    بواسطة مديرية شهداء بلد في المنتدى الشعر الفصيح
    مشاركات: 5
    آخر مشاركة: 11-25-2008, 04:58 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •