يوم الشهيد الفيلي / فوزية عسكر



الى الغائب الحاضر... الى نبض قلبي ...ونور عيني...الى اخي الشهيد اركان ....وعذرا اخوتي شهداء الكورد الفيلية...
صرخة اخت لكم جميعا جليل...جلال...حيدر...شهاب...جبار...عمار...هادي..نز ار...ماجد...كلكم اركان
اشلون انساك يا خوية اشلون كَلي هو الي مثلك ينِسي يا اغلى انسان؟ شلون انسى شبابك اللي ما شاف غير احزان يل حزني ويه حزنك صارو أخوان
شلون انسى الي شفته وعشته ورة القضبان بالفضيلية وابو غريب وبنكَرة السلمان بس انت فيلي وما يهزك يا جبل ظلم سجان سجانك هلك من علكَوه الشجعان
شلون انساك يا خوية اشلون يكَلون ما عنده كَبر شيكَول هالبطران وانت روحك بحواصل طيور جنة الرحمن و بعالي السما ينادي على الخلان
يا خوية انت ويه دمي تجري بالشريان رضعتنه امي من الصغر حب الاوطان وابوية علمنه نكون للشرف عنوان .
شلون انساك يا خوية اشلون يل ذكرك ايه زلزلت عروش البعث والطغيان انتَ علم عالي يرفرف فوكَ الاوطان
جرحك النازف يروي ارض كربلا العطشان وتبقى نجم ساطع دوم منور الاكوان
اشلون انساك يا خوية اشلون وانته للعز والفخر اصبحت عنوان تبقى انت البطل عالي الهامة والشان
تبقى رمز لكل مظلوم يحطم العدوان وابقى افتخر بيك واكَول هذا اخوية اركان

ببقلم: فوزية عسكر